Boneiro: Kiebro, ladronisianan i kaso di hogamentu

0

Willemstad Curacao: Riba djaluna 3 dia aprel a drenta keho di kiebro den un kas situá na Kaya Monica, A bai ku entre otro un televishon di marka LG. e kiebro a tuma lugá entre 7.15 or di mainta i 5.15 or di atardi.

 

Riba djamars 4 di aprel a drenta keho di ladronisia for di un outo ku tabata stashoná den kura di un kas situá na Kaya Tapajos. A bai ku entre otro brelnan di solo, kèts i paña. E ladronisia a tuma lugá entre djaluna 3 di aprel, pa mas o ménos 11 or di anochi i djamars 4 di aprel pa mas o ménos 7 or di mainta.

 

Riba djárason 5 di aprel a drenta keho di ladronisia di un outo kolo blou di marka Toyota, modèl Yaris, numerá B-7348. E outo tabata stashoná den kura di un kas situá na Kaya Uranus. E ladronisia a tuma lugá entre djamars 4 di aprel pa mas o ménos 11.30 or di anochi i djárason 5 di aprel pa mas o ménos 6.15 or di mainta. Mas lat riba e mesun dia sentral di polis a risibí notifikashon di un turista ku a bai snòrkel ku ta pèrdí. Mesora boto di polis I di wardakosta a sali en buska di e persona aki. Pa mas o ménos 6 or di atardi a bin topa ku e kurpa sin bida. Ta trata di e hòmber di inisialnan R.E.G., nase riba 4 di yüni 1943. A konfiská e kurpa sin bida pa mas investigashon.