Recientemente un delegacion den e deporte di atletismo a competi den prome edicion di e ‘Prome Campeonato NACAC ‘ cu a tuma lugar na Port of Spain, capital di Trinidad and Tobago. Mester bisa cu Aruba su atletannan a briya y a logra cay den premiacion mei mei di paisnan grandi den Caribe cu tin bon atleta di atletismo. E hoben atleta Zuleyma Hermanus a logra conkista medaya di Brons pa Aruba den “Ballthrow” den e categoria 11-12,cual tabata e prome medaya pa Aruba den e weganan aki. Despues di e atleta Zygion Croes(13-14 aña) tambe a logra cay den premiacion y subi podium ora e ta logra nan gana medaya di Brons pa Aruba. Esaki a bira di dos medaya. Por ultimo nos ta haya e hoben J-rick Maduro cu logra un di 6 lugar overall den e 1200m den e categoria 13 – 14 aña. Den 28 competidor e hoben di Aruba ta logra sali na di 3 lugar den su heat cu un tempo di 3 minut y 42 seconde. Sin duda e competencia aki a sirbi como un experencia y motivacion extra pa nos muchanan. Aruba a midi forza contra 13 otro pais den e region aki cu ta conoci pa e deporte di atletismo. Remarcabel ta cu mayoria di e atletanan a logra mehora nan record personal den nan disciplina. Sigur un danki na mayornan cu a yuda cubri parti di e gasto di nan yiunan pa asina por competi den e campeonato na Trinidad & Tobago.
Un danki sigur na Lotto, e Loteria di Aruba pa medio di Comision di Subsidio cu a yuda subsidia parti di e biahe di nos atletanan di atletismo pa competi na e ‘1st NACAC Age Group Championship’ cu a tuma lugar na Port of Spain, capital di Trinidad and Tobago.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio