Kustwacht Caribisch Gebied (KWCARIB) a intercepta riba diamars 15 di November un gran cantidad di droga riba un Go-Fast. Operador den e radarkamer di Kustwacht Steunpunt Aruba, a detecta pa mas of menos 9’or di anochi un contacto sospechoso pazuid di Santana di Cacho, Aruba.
Maritieme Politie a wordo poni na altura y di biaha a manda un unidad, BP2 pa asina investiga e contacto. Un miembro di kustwacht tambe a bay abordo. Door di indicacion di e operador di radar,e BP2 a wordo dirigi na e contacto. Na e sitio a bin topa cu un boto sin luz. Debi cu nan aw ordo atrapa, e tripulacion a cuminsa benta e droga den lama. Tambe nan a purba di huy y akinan a cuminsa cu un persecusion. E boto a wordo obliga pa para door di tira riba e motornan. Cinco persona a wordo deteni como sospechoso di a viola e ordenansa di substancianan narcotico. E bultonan cu droga a wordo saca for di awa y a wordo confisca.
Tanto e boto como e sospechosonan, tur cinco di nacionalidad Venezolano, a wordo hiba na e centro di kustwacht na Savaneta y despues pasa pa Unidad di Crimen Organisa di Cuerpo Policial pa sigui cu e caso aki.
E detencion exitoso a wordo sosteni door di e coordinacion di e centro di operacion di Kustwacht y sosten aereo di parti di helicopter di Kustwacht, AW-139.
Esaki ta un biaha mas un bon ehempel di cooperacion entre partnernan local, cu ta Kustwacht, Maritieme Politie, UGC y Cuerpo Policial.