LONDON, Inglatera – E accionnan di banconan Italiano ta briya diahuebs den un sesion scur pa e bolsanan Europeo, despues cu e resultadonan di Unicredit a mustra cu su conversion ta ganando impulso.
E indice Europeo STOXX 600 lo a cay un 0.1 porciento, mientras cu e referencial mas amplio di e zona Euro y di Blue Chips lo retrocede un 0,2 porciento.
E balornan financiero lo a briya pa di dos dia consecutivo y e accionnan di Unicredit ta repunta un 4.4 porciento despues cu e incremento di e ingresonan y un menor perdida pa e prestamonan ta impulsa nan ganashi di e prome trimester.
E indice bancario Italiano a pone na prueba algun maximo den mas di un aña y e papelnan di Mediobanca, Ubi Banca y Banco BPM a gana entre 1.8 y 3.5 porciento.
E balornan di telecomunicacion tabata entre e pionan di comportamento. BT lo a cay un 1.7 porciento tras anuncia un recorte di 4000 trabao den un plan di restructuracion pa recupera di un aña cu a bisa cu tabata “desafiante.”
E accionnan di e compania principal di telecomunicacion Britanico no a recupera di e caida di 20 porciento sufri a rais cu e mal practicanan contabel a keda revela na Italia na Januari.
E balornan di e compania Spaño Telefonica, a resta un 1.7 porciento tras e reporte di su resultadonan.
Fuente: Reuters