Bolsa di balor di Tokio ta perde forsa despues di un siman di ganashi

0

TOKIO, Hapon- E Bolsa di Tokio a cera dialuna awe, cu perdida despues di cu siman pasa, el a pasa e racha di ganashi mas largo di su historia, y sperando e resultadonan di companianan Hapones den e proximo dianan.
E indice Nikkei a registra un avance di 3,22 punto, 0,01 por ciento, te yega 22.011,67 punto, mientras cu den e di dos rond, Topix, cu ta agrupa e balornan di e prome seccion, a gana 0,21 punto, cu 0,01 por ciento tambe, te yega na 1.770,84 unidad.
E mercado di Tokio a habri positivo aunke segun e dia tabata bay avansando no a mustra ningun direccion cla, despues di cu diabierna el a cera cu otro avance solido y a supera 22 mil punto pa prome biaha den dos decada.
E inversionistanan ta warda e inminente publicacion di resultadonan di empresanan manera e gigante tecnologico Sony.
“Hopi inversionista ta spera cu Nikkei sigui su subida di yega na resultadonan corporativo positivo”, e analista Maki Sawada, di Nomura Securities, a señala.
Otro motibo di cautela ta pa motibo di e reunion cu e Banco di Hapon lo cuminsa riba e politica monetario y cu lo caba diamars, e mesun dia cu e Reserva Federal di Merca cuminsa cu un sesion similar.
Den e prome seccion, 1.706 bolsa di balor a cera cu un subida compara cu e 863 nan cu a baha, mientras cu 93 a cera e dia sin cambio.
E subidad en e sector di mashinnan di construccion, ta destaca, cual ta wordo lidera pa Komatus cu a gana 3,5 por ciento despues cu diabierna el a presenta un ganashi mas di loke nan a spera.
E sector energetico tambe tabata un di e faboritonan di e jornada despues di e anuncio di e Organisacion di Paisnan Exportado di Petroleo (OPEP) relaciona cu e recorte di nan produccion y unda cu e subidanan di e companianan petrolero, JXTG Holdings (0,4 por ciento) of Inpex (1,1 por ciento).
E volumen di negoshi a subi na 4,037 biyon yen (30.551 miyon euro), riba 3,100 biyon yen (23.348 miyon euro) di diabierna.
Fuente: http://www.finanzas.com