TOKYO, Hapon – E bolsanan di Asia lo a cede diamars desde algun maximo den mas di dos aña, mey mey di e debilidad di e dollar pa e duda riba un proyecto di ley di salud na Merca y mientras inversionistanan ta aposta cu e Reserva Federal lo ta cauteloso riba e aumento di e tasanan di interes.
E indice di MSCI di e accionnan Asiatico pafo di Hapon lo subi levemente despues di opera mas tempran riba teritorio negativo.
E senadornan Republicano Jerry Moran y Mike Lee a anuncia dialuna su oposicion na e legislacion Mericano pa desmantela y reemplasa e ley di salud di e ex presidente Barack Obama, conoci como “Obamacare”, haciend’e sin suficiente voto pa e wordo aproba.
E confianza general na Asia lo sigui apunta pa e datonan solido cu China a reporta dialuna, cu a revela cu su economia a expande un 6,9 porciento den e di dos trimester, loke ta encamina e pais na cumpli comodamente su meta di expansion pa 2017.
E indice di dollar, cu a sigui e desempeño di e moneda Mericano contra un canasta di seis divisa importante, lo a cede un 0,2 porciento na 94,791. Frente na e moneda Hapones, e dollar lo a baha un 0.5 porciento na 112,14 yen. Euro lo a gana un 0.4 porciento na 1,1522 dollar.
Na Hapon, e indice Nikkei di e bolsa di Tokyo a debilita un 0.6 porciento pa caba e dia abao di e nivel clave di 20.000 punto, despues cu e mercado local a reanuda su operacionnan tras un dia feriado dialuna.
Riba e mercadonan di materia prima, e futuro di petroleo na Merca lo avansa levemente na 46.03 dollar pa bari y e crudo Brent di London lo a añadi un 0.1 porciento na 48,46 dollar pa bari.
E debilidad di e dollar a impulsa oro cu lo a fortalece un 0.3 porciento na 1.237,50 dollar pa ons.
Fuente: www.reuters.com