BOGOTA, Colombia- E secretaria di Movilidad di Bogota a publica e medidanan di siguridad cu lo wordo aplica den e capital di Colombia, relaciona cu e bishita di Papa Fransisco na Colombia.
E Papa lo yega Bogota diaranson 6 di September y riba su prome dia na Bogota, e lo reuni cu mas di 220 mil hoben den full e pais den e parke Tercer Mileno y lo wordo escolta pa un fuerte operativo di siguridad cu lo hib’e Plaza Bolivar unda e lo realisa su prome acto masivo.
E encuentro cu normalment ta wordo realisa den henter e pais cu e papa bishita, lo conta cu e participacion di 150 artista nacional.
Despues e Papa lo saluda e multitud y lo bendiciona e publico desde e balcon di e palacio arzobispal den e Catedra Primada di e capital.
Fuente: http://www.noticiasrcn.com/nacional-visita-del-papa-colombia-bogota/