Preparacionnan pa e di 6 edicion di ARUBA DOET a cuminsa! Si! Pa 6 aña consecutivo CEDE Aruba hunto cu Oranje Fonds ta organisa riba diabierna 9 y diasabra 10 di Maart 2018 e evento boluntario mas grandi na Aruba.
E edicion aki di ARUBA DOET nos lo traha cu coordinadornan. Coordinadornan ta boluntarionan cu lo kier haci algo extra pa e proyecto. E coordinadornan lo forma parti di e team di ARUBA DOET y lo sostene e organisacionnan social cu planificacion y ehecucion di nan proyecto. Como coordinador di ARUBA DOET bo tin oportunidad pa expande bo red social y desaroya habilidadnan nobo. Alabes experencia trabou boluntario riba un otro nivel. Pa bira un coordinador di ARUBA DOET bo mester tin afinidad pa e proyecto, ta disponibel di October 2017 pa Maart 2018 (maximo di 5 ora pa luna), tin minimo 23 aña di edad y tin bo propio transporte.
Si bo ta interesa pa bira un coordinador pa ARUBA DOET? Tuma contacto cu nos na oficina di CEDE Aruba na tel: 5827666 of manda nos un e-mail cu bo informacion di contacto y motivacion na e siguiente e-mail adres: [email protected]