CHICHESTER, Reino Uni – BMW lo dicidi na September si nan lo instala un fabrica di produccion di nan auto electronico de su subsidiario local, den Reino Uni, un ehecutivo di benta di e automotriz Aleman a bisa Reuters, caminda cu nan lo ta un muestra di e capacidad Britanico di sigui atrae inversionnan tras e salida for di Union Europeo.
E Mini fabrica cerca di 70 porciendo di su aproximadamente 360 mil vehiculo compacto den su planta di Oxford, den e parti zuid di Inglatera, pero e industria di auto aki ta preocupa pa e impacto cu por tin cualkier perdida di e acceso liber na e Union Europeo, su mayor mercado exportador, tras di e Brexit.
BMW lo opta pa desaroya su variante nobo di nivel abao di emision den su fabrica Ingles, den un instalacion di Hulanda – caminda cu a fabrica mas modelo di su linea convencional den e ultimo añanan – of den e centronan di Leipzig y Regensburg na Alemania.
E miembro di e comite di e compania encarga di benta, a bisa Reuters cu e inversion electrico di Mini, valora den decenas di miyones di pound, lo wordo produci den e proximo tres lunanan y cu e hunta directiva tabata evaluando actualmente un serie di factor, incluyendo Brexit.
“Un di e elementonan pa cual e probabilidad di un regimen impositivo y, si tin uno, con e lo wordo aplica,” Ian Robertson a bisa durante un entrevista, den e marco di un feria di e ector zuid di Inglatera.
“Si fabrica e motor di un planta aleman y despues ta ensambla e auto den un fabrica Britanico y ta hiba di nobo e auto pa e mercado Aleman, e ora por tin reclamo riba e impuesto pa paga,” Robertson a agrega, como ehempel di e opcionnan impositivo cu empresanan ta evalua.
E compania di auto tambe a considera unda ta e mayor uzo di e modelonan menos contaminante y unda por haya e miho cadenanan di suministro, e ehecutivo a splica.
Robertson a bisa Reuters cu tabata tin un “canal habri” cu e funcionarionan Britanico y cu nan tabata tin varios encuentro cu e Ministerio encarga cu e Brexit y cu e titular di e cartera di negoshi, Greg Clark, kende a bishita e sede di BMW na Munich, ademas di tin contacto regular cu su ekiponan.
Fuente: http://lta.reuters.com