Delaster weekend di vakantie e deporte di Baseball den Pony League tawata activo. Den categoria 5/6 y 7/8 team dos team di Corsou a bin Aruba pa hunga un wega internacional cu teamnan di Aruba den e categoria aki menciona.
E actual campeon di Pony League Himno y Bandera Blue Marlins Neutrogena a defende su titulo y muchanan a hunga un baseball style di MLB, caminda cu a gana e team di Giants Conar y e team di Centro di Bario Noord Divi Impact riba diasabra, djey a hunga cu Hurricanes Crown y a cay venci y despues bira gana e team di Corsou. Cu 1 wega perdi Blue Marlins Neutrogena ta clasifica como number 1 den standing. Pa dialuna merdia weganan a continua na veld di Sero Preto na Paradera caminda 4 team a hunga semi-finals. Blue Marlins Neutrogena ta gana Giants Conar y e Team di Corsou ta gana Hurricanes Crown. Finale a start sali 5’or di atardi caminda Blue Marlins Neutrogena ta gana e team di Corsou cu score di 12-6.
Un pabien ta bay na nos muchanan y coaching staff di Blue Marlins Neutrogena cu e resultado como Campeon di e Campeonato Aruba vs Corsou 7/8 y tambe na e team di Corsou cu a sali sub-campeon. MVP di e wega a sali e hobencito Randall Guerrero cu tres tremendo bataso den outfield. Den categoria 5/6 Campeon a sali Giants Pico Bello y sub-campeon White Sharks Dragon CD/Trendy Home
Un danki na e Organisacion di Pony League pa e tremendo weekend di baseball Aruba vs Corsou.