DEN HAAG, Hulanda – Blokker Holding lo bay cera cientos di tienda. E compania, cu aña pasa a haci un renobacion, lo manda 1900 hende cas. No lo bay tin trabao mas den diferente di e tiendanan y tambe cerca e compania principal, Blokker Holding. Ecompania a laga sa cu e cadenanan Intertoys, Maxi Toys, Xenos, Big Bazar y Leen Bakker lo wordo poni riba escena.
Door di a enfoca riba un solo formula, Blokker, e compania a pensa pa por sali padilanti riba e cambio di deseo di e consumidornan. Esey ta necesario pa por tene cabes riba awa den un mercado hopi concurente. Blokker Holding, di cual tur e cadenanan ta cay, lo stop di existi por completo.
Gran impacto
No lo bay tin trabao mas na e tiendanan di Blokker y Marskramer, na distribucion y tambe na e tienda principal. Eynan ta traha awor aki mas of menos un 7000 hende. “Nos ta realisa hopi bon cu e anuncio aki tin un gran impacto riba tur nos trahadonan,” Casper Meijer a bisa. Ela yama e medida aki abrumador, pero necesario.
E tiendanan cu lo cera nan porta, ta structuralmente un perdida y pa Blokker ta situa riba luganan no rendabel. Mas of menso un 400 luga cu ta keda despues di ceramento, lo wordo reconverti riba e formula di mas nobo. Eynan mester mehora e asortimento, prijs y disposicion di e productonan. Mientras tanto un 200 ta cla.
Fuente: https://www.rtlnieuws.nl/