Blogger Irani exilia na Turkia ta yega Israel

0
Blogger Irani Neda Amin

JERUZALEM, Israel- Un blogger Irani cu tabata scirbi pa un website Israeli, cu mester a sali ora cu el a cumisna haya menasa di wordo cera, a yega Israel diahuebs.
“Mi ta contento. Israel ta manera mi pais, mi ta kere cu e ta mi pais, den mi mente mi ta sigur awo”, Neda Amin a comenta ora cu el a yega e pais Hudiu.
Durante un conferencia di prensa banda di David Horovitz, editor y fundador di Times of Israel, caminda cu su historianan tabata wordo publica. Horovitz a yda Amin yega Israel.
For di 2014 e tabata biba na Turkia. El a bandona Iran despues cu el a ricibi menasanan di wordo cera si e scirbi articulonan criticando gobierno di Teheran. Autoridadnan Turco recientemente a bisa cu e lo por wordo deporta pa Iran.
Despues di a haya sa di e situacion di Amin, y sinti cu su website tabata tin cierto responsabilidad cun’e Horovitz a papia cu e autoridadnan concerni pa yud’e.
Vocero di ministerio di Israel, Sabine Haddad a bisa cu Amin tabata na Israel cu visa di turista. E blogger a bisa den e conferencia di prensa cu e ta spera cu e por keda na Israel.
El a scirbi varios buki ariba asuntonan social y derecho di hende muhe na Iran. El a scirbi tambe varios articulo cu ta critica e gobierno teocratico Irani.

Fuente: https://es-us.noticias.yahoo.com

LEAVE A REPLY

Please enter your comment!
Please enter your name here