Bloedbank di Aruba ta celebra dia di donante en grandi. No solamente nan a tuma e tempo pa gradici tur donante. Pero tambe nan ta haci uzo di e oportunidad, pa incentiva e pueblo pa bira un donante di sanger, den forma di un open dag. Esaki nan ta haya sa mas informacion corecto pa bira un donante di sanger. Sr. Raymond Maxwell ta e vocero.
Nan tabata bezig un par di siman caba cu un accion cu capa cora, hendenan canando rond riba plazanan, den super market y tambe riba linear park . E di prome grupo di super heroe nan ta esun cu a bay e Aruba Bank Walk and Run. Esaki ta caminda cu tur cos a cuminsa, unda tur hende ta puntra ken nan ta. Y awo nan ta kibra e silencio caminda cu pa bira super hero simplemente por bay como dunado di sanger .
Bloedbank ta hopi contento cu e donante ta hacic esaki, ya cu e donante di sanger ta yuda salva bida, muhenan den parto of den accidente, dialisis, den oncologia tambe unda pashentnan di cancer mester di sanger, entre otro y diariamente nan ta salba bida y sin esaki no tin nada pa ofrece na e pashent.
E focus di Bloedbank ta mas tanto ariba calidad y no solamente calidad, World Health Association ta puntra pa e 5% di e nacion pa ta donante, lo cual ta supone un cantidad di 4mil na Aruba cu mester tin y solamente tin 1800 awor aki.
Tin un gap pa cera eynan. Ta p’esey ta haci un yamado na donantenan nobo, pa join e team di superheroe. Pa por inscribi ta for di 18 te cu 70 bo por ta donante di sanger, pero ta cu 65 aña por haci peticion.
Sr. Raymond Maxwell, di Bloedbank ta haci un apelacion na e comunidad pa ta donante di sanger. Tur hende, en principio por ta donante di sanger. Pero hendenan cu a yega di haci operacion di curason, ta bebe remedi pa schildklier of pa prostaat, no por ta donante.
Tur hende por ta donante, solamente ora cu haci tattoo bo mester warda 4 luna, despues di esey e por duna sanger. Ainda e rumor falso ey ta core rond, cu hendenan cu tin tattooe no por duna sanger.
Un donante mester ta boluntario, sin esey, e no ta bay traha. Unabes cu e ta boluntario, tin e commitment di donante, segun sr. Raymond Maxwell, vocero di Bloedbank Aruba.