Black Tie Foundation e aña aki a duna oportunidad na Scouting Aruba, pa recauda fondo di e fiesta cu nan ta tene un biaha pa aña. Segun John Hessen, Scouting ta existi na Aruba sigur pa 87 aña. Sigur tabata tin diferente organisacion, pero na 2000 a funda hunto cu e organisacion di e temponan ey, Scouting Aruba, cual ta e organisacion scout nacional di Aruba, cu e meta pa asina por afilia Aruba na World Organization of Scout Movement, cual ta e organisacion mundial di Scouting.
For di momento cu e organisacion a lanta, tin varios grupo ta reuni. Tin 13 grupo na diferente parti di nos isla y cada grupo tin nan luga di reuni. Tin cu tin nan propio Clubhuis. Tin ta haci uzo di scol y/of otro luganan, cu tin hasta luganan cu tin un tereno den naturalesa cu nan container cu nan ta tene nan reunionnan. E organisacion cual ta e directiva di e organisacion, no tin un sede. Scouting Aruba no tin un sede. Na otro partinan, ora cu bay na otro pais, prome cos nan ta hibabo na e sede di e organisacion. E Headquarters, e ta wordo yama. Scouting Aruba no tin un sede, nan ta haci uzo di diferente luga. Un di e luganan cu ta haci uzo di dje ta por ehempel scol cu ta uza, luganan di reunion, cerca amigo y conocinan cu tin. Asina nan ta reuni na diferente caminda. Danki na e gesto di Aruba Blacktie Foundation, nan lo cuminsa cu un fondo cu lo wordo destina specialmente pa nan por lanta of traha nan sede. Tin un tereno na Santa Cruz cu ya un di e gruponan ta uzando, riba cual nan ta bay traha of construi no algo grandi, pasobra importante ta cu tin algo cu por uza pa reunion, pa cursonan, pero cu por mantene tambe. Esey pa e organisacion ta importante. Algo simpelm, pero at least cu tin un sede cu ta representa e organisacion.
E schets cu nan tin, lo costa entre 120 pa 150 mil florin, algo simpel y ta bendiendo e carchinan pa e fiesta aki y no por sa di antemano cuanto e ta, pero asina cu e fondonan tey, nan lo sigui naturalmente, busca demas fondonan pa yega na e cantidad ey. E tereno ta na Santa Cruz, tras di Kentucky, cual ta di ATHA. Scouting Aruba ta miembro di ATHA y ATHA, den un forma di un contract, ya caba nan a zeg toe e tereno eynan. Un di e gruponan ta uze y lo bay pone preto riba blanco via notario, pa haci uzo di e tereno ey cu ta un tereno bastante grandi.
Tur sa ki reto tin cu nos hubentud, pero por bisa si cu nunca ta varia semper entre 500 pa 600 miembro. Nunca a baha bao di esey. E meta si ta, y ta trahando duro riba esey, cu tin gruponan ta creciendo. E meta ta pa dobla e cantidad. Esey ta un di e metanan cu tin., Un di e retonan cu tin den henter mundo. WOSM tin un vision cu yama Mision 2023. Actualmente Scouting mundialmente tin 43 miyon scout y nan kier yega na 100 miyon na 2023. Tur pais tin e tarea pa traha pa aumenta scouting den e pais, segun Hessen.
Di parti di BlackTie Foundation, Sharina Geerman a splica, cu e fiesta planea pa recauda e fondo, lo tuma luga dia 9 di September, 2017 na Renaissance Convention Center. E ta un fiesta cu ta cuminsa di 7’or di anochi pa 2’or di marduga. Ta cuminsa cu un welcome drink y despues cu dinner. Riba cada mesa tin dos botter di biña y durante di e dinner, tin e aña aki Johnny Scharbaay riba piano, pa deleita esnan presente. Despues tin e bandanan conoci manera Robert Jeand’or y SBS, D’licious y tambe MIniteca Metropolis, lo deleita e huespednan 9’or padilanti. Lo bay tin varios doorprize y tambe lo bay tin e taxidancernan di Pachanganan pa e damanan soltera. Carchinan ta obtenibel cerca tur e miembronan di Scouting Aruba y tur miembro di Aruba Blacktie Foundation. Djis yama Geerman na 59634249. Nan lo percura pa haya carchi of Sharina Geerman mes lo percura pa bisa cerca ken por haya carchi.
E spotnan lo bay wordo pasa na tur medio di comunicacion. Mas durante di e lunanan aki lo bay tende mas di dje. Ta pidi encarecidamente tur e personanan cu ta amante di fiesta y e hendenan cu ta coopera pa hopi aña cu ta 700 ticket so por bende. No tin venue pa mas cu esey. E ticketnan aki tin gastonan den dje manera e botternan di biña y tin e bandanan y e disco. Y si kier haya e companianan cu kier yuda cu no ta interesa pa cumpra ticket, pero kier yuda si den e gastonan cu tin adicional, manera e banda y e biña, semper esey ta bon bini. Djis tuma contacto cu Sharina Geerman, unda cu lo duna e cuenta di banco pa haci deposito.
Tur aña e fiestanan aki ta sold out. Si logra bende tur e ticketnan, loke por garantisa sigur sigur ta e 50 mil florin di e fiesta, cu ta haya despues di paga tur gasto. Si no logra haya e bandanan of e biñanan, e tin cu sali prome y despues for di eynan ta bay pa e organisacion. Hopi biaha di experiencia, den e ultimo añanan aki, door cu ta un proyecto combina, desde awe padilanti cu ta anuncia, e proyecto aki a bira no di Aruba Blacktie foundation so, pero ta trahando conhuntamente cu Scouting Aruba. Den nan dos, si bende tur e ticketnan aki, ta yega na e suma di 50 mil sigur y si haya e donacion pa loke ta e banda cu e biña, e ora por bisa cu nan por haya hasta e hendenan cu no ta bay, pero ta contribui na e causa. Esey tambe ta bay riba e cuenta, e ora automaticamente no ta haya 50 mil, sino nan por logra haya mas cu esey.