Bitcoin ta subi cu un record di $2.690

0

E hisamento aparentemente imparabel di bitcoin a caba di ricibi un impulso nobo. E criptomoneda a extende su hisamento na un record di $2.690 diahuebs, cu loke esaki a bin ta acumula pa e aña aki, a acumula un aumento di 182%, despues di un acuerdo pa mehora e velocidad di procesamento di e transaccionnan.
Prome di e pacto, cu a keda revela diamars, e moneda digital a enfrenta un atraso den transaccionnan debi na un limite den e cantida di dato cu e blockchain di bitcoin por procesa. E desacuerdonan riba e solucion corecto a contribui na e temornan cu e activi digital lo a dividi den dos.
E siman aki, Barry Silbert, fundador di Digital Currency Group, a publica un pacto firma pa mas di 50 empresa pa aumenta e tamaño di e blokenan y activa Segregated Witness, un forma nobo di verifica e transaccionnan.
“E ta bastante significativo pone esaki den marcha, tin un consenso y avansa cu un solucion,” Ryan Rabaglia, operador principal di Octagon Strategy Ltd., un compania di negociacion di monedanan digital na Hong Kong, a bisa. “Semper e tabata riba un segundo plano manera algo cu por potencialmente afecta e crecemento di bitcoin.”
Si ta bon e signatarionan ta representa 83% di e capacidad di procesamento di bitcoin, hopi acuerdo similar a fracasa den pasado, incluyendo uno cu ta supone cu lo a wordo activa na Juli di e aña aki.
Fuente: www.elespectador.com