Como cualkier bubble, esun di e criptodivisa por aumenta su cotizacion y genera ganashinan grandi, pero e por rementa tambe, segun e guru di inversion Jim Rogers a adverti.
E bubble cu e criptomonedanan ta experimentando, manera e bitcoin, tin parecido na cualkier otro di e mundo di finanzas, segun e legendario inversor Jim Rogers den un entrevista cu e website The Market Watch. “E tin parecido y e ta hole manera tur bubble cu mi a wak den historia”, el a afirma.
E bubble di bitcoin por aumenta su cotizacion y genera ganashinan grandi, pero e por explota tambe, segun e analista. Sin embargo, Rogers a admiti cu no tabata capaz di a saca beneficio di e ganashinan experimenta pa bitcoin e aña aki, cu lo marca otro record na December.
Al contrario, e fundado di e compania Standpoint Research, Ronnie Moas, ta mas optimista. E ta sugeri cu e criptodivisa lo alcansa un cotizacion di 14 mil dollar. Den un liña similar e fundado di Fundstrat, Tommy Lee, ta duna algun bon pronostico pa cu e criptomoneda, segun e website The Cointelegraph.
E bitcoin ta batiendo record casi a diario desde cu el a cuminsa na December. E criptomoneda a supera e marca di 11.800 dollar y e ta cerca di un capitalisacion bursatil di 200 biyon dollar. E criptodivisa a aumenta asina tanto di balor, cu awo e ta compatibel cu e economia completo di Grecia.
Fuente: https://cointelegraph.com