Central a manda patruya pa Safir, caminda cu desconocidonan lo tabata bezig ta hortando. Na e sitio, parce cu e testigo a yama polis y tambe e doño di cas cu a wordo horta.
Segun e testigo, e tabata paden di su cas y a scucha e alarma di e bisiña bay on. Ora cu el a sali pafo, el a mira un hoben di color bruin, bisti cu un tshirt blanco y un carson cortico, para banda di un auto shinishi y despues di un rato a drenta den e auto. Despues e auto a core bay pura pura direccion zuid. El a mira cu tabata trata aki di un sedan di 4 porta, cu glasnan cla di e modelo Kia, pero no por a bisa e modelo ni tampoco no por a mira e plachi di number. A controla e cas, caminda cu a constata cu e bentana di camber banda pariba di e cas, a wordo forsa y habri. A papia cu e denunciante, e homber P, kende a declara cu esaki no ta prome biaha cu nan a drenta e cas. P. tambe a declara cu el a laga e cas pa mas of menos 6’or y 40 di atardi y pa mas of menos 7’or y 47, e testigo a pone na altura cu su alarma di cas a bay on.
P. a controla full e cas y te na e momento di e denuncia, e no tabata sigur si e desconocidonan a bay cu algo. Polis a controla full e cas, pero sin resultado. Central a wordo poni na altura. Departamento tecnico lo wordo poni na altura via Central, den cuadro cu investigacion forensico.