BEIJING, China- Trinta y dos marinero ta desapareci despues di cu dos barco di carga a dal den otro cerca di e costa di China diasabra. Esaki segun e Ministerio di Transporte di China.
E desaparecidonan, di cual 30 ta ciudadano Irani y dos di Bangladesh, ta miembronan di e tripulacion di e barco petrolero SANCHI, registra na Panama, según e ministerio.
E colision a tuma luga mas o menos 160 miya nautico (casi 300 km) oost di e boca di e riu Yangtze, banda di 8 or di anochi, ora di China, segun e comunicado.
“E accidente a provoca e petrolero ‘SANCHI’ a pega candela, y kentel na su banda drechi, y a perde contacto cu e tripulacion”, el a bisa.
E 21 tripulantenan Chines a bordo di e barco di carga registra na Hong Kong, CF-Crystal, a wordo rescata, según e ministerio.
SANCHI, di 274 meter largo, tabata transporta 130 mil ton di petroleo di Iran pa Corea del Sur, momento cu el a dal den e CF Crystal. E ultimo aki tabata transportando alimento di Merca pa e ciudad Chines, Guangdong.
Funcionarionan maritimo di China a lansa un operacion di buskeda y rescate cu ta inclui ocho barco, cu e apoyo di Corea del Sur, cu a manda barconan di Warda Costa y un avion, segun e ministerio.
Fuente:http://cnnespanol.cnn.com