Na tur grupo cultural y na damanan di tur edad cu ta interesa pa forma parti di e grandioso actividad cultural “Eleccion y Coronacion Reinanan Cultural 2017. Esaki ta bo oportunidad pa inscirbi y sigura bo participacion na un actividad dedica na e tradicion, folklore y cultura di nos dushi Aruba.
Bin bira protagonista den un anochi dedica na nos musica, baile, idioma, pueblo, custumber y identidad. Esaki ta e actividad cultural di mas grandi na Aruba cu ta brinda nos damanan amante di folklore e oportunidad pa destaca manera e amor y e pasion di nos gruponan cultural. E talentonan nacional cada aña ta resalta mas y ta sigui crece den participacion y calidad.
Categorianan di participacion:
Baby Cultural: 4 pa 6 aña.
Chikitin Cultural: 7 pa 9 aña.
Prenda Cultural: 10 pa 12 aña.
E grandioso anochi di eleccion y coronacion lo tuma luga na Centro di Bario Brazil 19 di Augustus 2017 pa 7:00 or pm.
Damita Cultural: 13 pa 17 aña.
Dama Cultural: 18 pa 26 aña.
Gran Dama Cultural: 27 pa 45 aña.
Dama Grandi Cultural: riba 46 aña.
E grandioso anochi di eleccion y coronacion lo tuma luga na Centro di Bario Brazil 26 di Augustus 2017 pa 8:00 or pm.
E reinanan ganadora lo dirigi e paradanan cultural y ademas lo haya como premio adicional e oportunidad pa representa Aruba den un intercambio cultural internacional.
Pa mas informacion por tuma contacto cu señor Chico Harms, presidente di Centro di Bario Brazil y coordinador general di e proyecto, na telefon 5946862.
‘Like’ nos tambe riba Facebook Centro di Bario Brazil.
E formulario pa inscripcion y e reglamento di participacion ta obtenibel na Centro di Bario Brazil. Inscripcion ta posibel te cu dia 14 di Juli 2017.
Nos ta wardabo! Cultura ta di nos tur! Ban sigui engrandece y sostene nos cultura!