Riba e tereno riba Eagle Beach, gran parti di e tereno a wordo selecta pa creacion di condominio developers, unda cu mas o menos 7 mil camber a wordo palabra pa gobierno anterior unda Aruba Timeshare Association ta kere cu gobierno nobo mester bin cu regulacion riba esaki. Sr. Ursell Arends, presidente di Aruba Timeshare Association, ta splica.
E development aki mester tuma luga den un forma cu por handpick esun cu ta necesario pa Aruba, of e cantidad di camber cu gobierno por considera y no e 7 mil cu gobierno pasa a compromete su mes cun’e, siendo cu Aruba caba tin e acomodacion density di mas halto den e Caribe , cu
Aruba tin 66 camber pa meter cuadra, despues ta bin Cayman Island cu 18 camber pa meter cuadra.
E peso di turismo ta pone riba nos isla, aunke cu e ta contribui grandemente cu nos economia, mester wordo evalua den e sentido aki, pero mester tuma na cuenta e factornan social tambe cu ta reinando, pasobra cu cada camber mas hende mester bin emigra pa Aruba. E cantidad di camber di awor te cu 2020 ta calcula den un cantidad di 4587 camber y esey ta duna di conoce cu alrededor di 24 mil hende mester emigra pa Aruba den e proximo 3 pa 5 añanan.
Finalmente ta splica cu esaki lo pone mas peso riba nos fondonan social y tambe problemanan social lo aumenta, anto e ora cualkier development cu ta bay tuma luga mester wordo regula den forma estricto pa mitiga e consecuencianan negativo. Te asina leu, Sr. Ursell Arends, presidente di Aruba Timeshare Association.