WASHINGTON, Merca- E comediatne Bill Cosby, icono di e cultura popular di Merca, diahuebs a wordo declara culpabel di tres delito di agresion sexual den e caso di e Canades, Andrea Constand. Esaki a sucede na 2004.
E hurado, consistiendo di e shete homber y cinco muhe, a unanimamente a declara Cosby culpabel di e tres cargonan di agresion sexual, cual cada uno tin un castigo di 10 aña di prizon y un boet di 25 mil dollar. E huicio, cual a tuma luga na Norristown, Philadelphia, a concentra ariba Andrea Constand, cu a sigura cu na comienso di 2004, Cosby a invit’e pa su mansion na C Cheltenham (Pensilvania) y el a duna un pildo cu a pone dun’e mareo, su bista a bira nubla cual a permiti e artista di abusa di dje.
E delitonan di cual Cosby a wordo haya culpabel ta penetracion sin consentimento, penetracion mientras cu e ta inconsciente y penetracion despues di e suministracion di soft drug.
Defensa di Cosby di 80 aña, durante e huicio a mantene cu e relacion cu Constand tabata di mutuo acuerdo y el a sigura cu e comediante tabata uza droga como trampa pa atrae hende muhe, pero nunca pa incapacita y abusa di nan.
E victima di 45 aña, e tempo ey, tabata trainer di e ekipo femenino di basketball di Universidad di Temple, unda cu e comediante a studia y di cual e tabata un donante importante.
Ta trata aki di e di dos huicio cu Cosby ta enfrenta pa acusacionnan di agresion sexual, despues di cu aña pasa e huicio prome a wordo declara nulo, door di cu e hurado no por a yega na un acuerdo ariba acusacionnan.
Fuente: https://www.efe.com