Big Charlie Racing na Aruba pa 35 aña di Palo Marga

0
RBC Juli 2018
Funmiles-2018

For di prome cu fin di aña caba e comision di The Revival of Palo Marga 2 ta trahando duro riba loke ta bai bira e gran celebracion di 35 aña di nos pista di drag race “Palo Marga”.
E interes internacionalmente pa e careda aki ta asina grandi cu a bay over na expande e dianan di careda pa asina mas categoria por mira accion y e publico lo por haya no cu menos cu 5 dia di evento na Palo Marga cual sigur ta mustra con grandi e evento aki lo ta.
Faltando 3 luna pa e evento tuma lugar awe The Revival of Palo Marga 2 ta cla pa cuminsa anuncia un di e vehiculonan di Puerto Rico cu ta confirma pa ta presente durante e Mega evento aki. Ta trata di e dragster di Big Charlie Racing cu ta biniendo Aruba specialmente pa midi forsa cu nos dragsternan local cu ta core den e categoria di 7 seconde. Pues esaki lo bira interesante paso lo bai tin un field basta grandi di dragsters coriendo den 7 seconde pa asina duna e publico un show jen di adrenalina.
Den curso di e proximo dianan lo ta anunciando mas di e participantenan di Merca, Puerto Rico y Corsou cu lo ta biniendo Aruba pa e Mega evento aki cu lo tuma luga dianan 24, 25, 26, 27 y 28 di April proximo, como tambe e categorianan y e premionan cash cu lo tin pa cada categoria. Pa keda up to date kiko ta e preparacionnan pa e gran celebracion aki por bishita y like e pagina di The Revival of Palo Marga 2 riba Facebook

Comments

comments

C: Heineken
new india
dvg