Dia 2 di November di e aña aki ta e apertura di e di 26 edicion di Festival di Buki pa Mucha cu ta bay wordo celebra na Biblioteca Nacional. Directora di Biblioteca Nacional, Sra. Astrid Britten cu e desaroyo.
Actualmente ta den proceso di e Festival aki y manera tur aña biblioteca ta preparando unda ya caba a selecta ken ta bay ta encarga di ilustra e buki e aña aki. E aña aki a scoge pa un ‘Verhalenbundel’ cu ta un contribucion di diferente autornan cu ta skirbi. Dus no solamente uno, di un total di 15 autor. Nan ta di Aruba, Surinam, Corsou y Hulanda , entre otro.
E publicacion normalmente ta cla na luna di Augustus, cu ta bin Aruba. E ora ta bay tin hopi mas detaye tambe. E ilustradora encarga ta Sra. Vanessa Paulina ken a wak tur e historianan y awor esaki ta cla.
Awor aki ta pasando na e fase final di e historianan y e ta bin manera custumber den e dos idiomanan oficial di Aruba cu ta Hulandes y Papiamento. Esaki ta vooral pa promociona esaki den e mesun linea di aña di papiamento.
Ta bay tin bishita di e autornan na diferente scolnan. E apertura di e festival ta bay ta na e mesun luga cu dos aña caba cu ta patras di e edificio di Biblioteca na George Madurostraat for di 2 di November. E clausura ta bay ta diabierna 9 di November.
Festival di Buki ta un di e actividadnan di Biblioteca Nacional cu masha hopi interes unda cu tur scol ta participa. E ta un actividad cu ta crece anto naturalmente e idea su tras ta pa sigui promociona lesamento y tambe desaroya e placer di lesamento. No cu ta algo cu tin cu haci obliga pa lesa. Y kico miho cu por topa cu e mesun autor di e bukinan aki.
Por a sinti e impacto di e videonan y medionan social, riba cual biblioteca no ta algo cu e kier complementa. Esaki cu otro caminda cu tin buki fisico pero tambe ta haya buki den forma digital. E lesamento semper mester keda siendo cu tempo ta cambia y mester bay dilanti cu e desaroyo tambe, segun Sra. Astrid Britten, directora di Biblioteca Nacional.