Biblioteca Nacional cu conscientisacion riba cambionan climatico

0
RBC Juli 2018
Funmiles-2018

Sra. Astrid Britten di Biblioteca Nacional Aruba ta splica cu Biblioteca tin 17 Sustainable Develpoment Goals pa logra. Esaki tin di haber cu cambionan climatico.

Segun sra. Britten, na 2015 Nacionnan Uni a bin hunto pa defini e 17 Sustainable Development Goals. Pa loke ta trata e goalnan cu ta trata di planeta, e ta sinti cu nan ta hunga un rol hopi importante. Nan a cuminsa cu nan prome simposio den 2012. Den 2015, Nacionnan Uni a mira e importancia di esaki unda tur hende mester traha riba dje pa loke nan ta yama e Agenda 2030 y realisa algun di e puntonan aki. Mirando e goalnan aki cu tin di haber cu e planeta, e ta sinti cu tur hende mester ta consciente riba con nan ta anda cu e planeta pa ten’el e sigur pa hopi tempo mas. Por mira diferente cambionan climatico. Aña pasa, Sint Maarten y Puerto Rico a wordo devasta pa e horcan. Dia 6 di September ora tabatin e simposio ta netamente cu horcan a pasa na Sint Maarten. E ta keda demostra cu mester tin hopi atencion p’e goalnan cu tin di haber cu e planeta. Actualmente tin un teribel calor na Hulanda, cual ta algo desconoci pa nan. Cambionan climatico tin di haber cu nos tur mundialmente y mester tene cuena cu esey.

Sra. Britten ta sinti cu mester keda enfoca riba e tema aki y e instancia mas indica pa conscientisa y duna informacion ta Biblioteca Nacional Aruba. Nan ta sigui traha riba tereno di educacion. Educacion ta hunga un rol hopi importante den esaki. Tambe ta tratando pa tin dentro di poco algun di e barinan unda cu por separa e tipo di sushinan. Nan ta bayendo pa e di 7 edicion di e Sustainable Education Simposium.

Comments

comments

C: Heineken
new india
dvg