Hefe di Aduana, Sra. Xiomara Schwengle-Maduro, a elabora riba e diferencia cu tin entre biaheronan cu ta trece articulonan personal y esnan cu ta trece articulonan comercial.
Segun sra. Schwengle-Maduro, biaheronan cu ta trece articulonan personal por paga riba e reizigersbagage na Aeropuerto, mientras esunnan cu articulonan comercial of encomienda no por paga riba e recibo cu ta netamente pa e declaracion verbal. E declaracion pa e articulonan comercial of encomienda mester ta den e sistema di ASYCUDA. E verbal ta conta solamente pa articulonan di uzo personal di e biahero. E biaheronan cu articulonan comercial mester ta registra na Camara di Comercio y mester tin un comprobante di registracion na Camara di Comercio, nan mester tin un persoonsnummer, e recibo di compra, y un comprobante cu e carga ta warda.
Sra. Schwengle-Maduro ta sigui splica cu hopi biaha Douane por distingui ora un articulo ta pa uzo personal of comercial. Unproblema ta cu biaheronan ta trece asina hopi articulonan comercial cu no tin un caminda apropia pa warda nan na Douane. Hopi biaha e persona no ta compronde cu e mester tin tur e rekisitonan menciona pa haci e tramitenan lihe.