E soccer camp di Benu-Sparta-ASA a tuma luga den e prome siman di April cu e muchanan tawata goza di vakantie di school. Mas o menos un 200 mucha a participa na e camp aki, algun di nan a haya chance pa train di dialuna pa diabierna parti mainta, y algun di nan diamars y donderdag parti merdia.
Originalmente, ASA a organisa un camp cu cupo pa 100 mucha, pero e demanda tawata asina grandi cu nan a habri dos chance di train mas parti merdia, pa por acomoda mas mucha cu twt deseo di bin train.
E training nan a tuma luga den stadion Frans Figaroa, bou guia di coach Dolf Roks, e hoofd jeugdopleider di Sparta Rotterdam, y coach Nourdin Boukhari cu despues di un carera internacional den futbol awor tambe ta coach e jeugdopleiding di Sparta.
Ambos coach a manifesta cu nan a wak algun talent hoben na Aruba, y ta bay manda un invitacion pa 6 di nan pa bin pa un try out na Sparta Rotterdam, cual sigur ta noticia hopi grandi pa Aruba.
Tambe coach Dolf y coach Boukhari a laga sa di ta bin back Aruba sigur den futuro, pa asina por duna oportunidad na mas hoben talentoso pa bay purba nan suerte riba nivel profesional.
ASA ta sumamente gradecido na tur e patrocinadonan cu a haci e camp aki posibel, Benu Pharmacy cu tawata patrocinado prinicipal, pero tambe Tamarijn & Divi All Inclusive Resorts, Arubiano Local Brand, doc Opleidingen, Diario, Cooper Tires, White Modern Cuisine, Wendy’s Aruba, Taco Bell Aruba, Deli Caribbean, Quinta del Carmen y Ferm Caribbean Trading.
Tambe ASA kier gradici tur mayor y demas famia cu a bin apoya e muchanan durante e siman, y cu nan na mes manera a yuda pa e camp ta un exito, sin lubida tur e coachnan di ASA cu durante siman a traha incansabel tambe cu e chikitonan.
Pronto ASA lo bin cu mas noticia di e 6 hobennan cu ta pa try out na Sparta Rotterdam, nos ta spera cu nan por conta riba apoyo di henter Aruba pa e oportunidad unico akinan.
Pa mas informaci
n por tuma contacto cu ASA na [email protected]