Pa mas o menos 11 or y 45 ta drenta un melding via Centrale Post cu un biaha mas un bendedo di droga ta sinta busca cliente den cercania di Riu Palace y Hilton Resort. E homber en cuestion lo ta bisti na paña di camuflahe y cu un schoudertas color shinishi/preto.
Segun e melding, tabata tin un van di un compania di reparacion di airco banda di un palo di mata, caminda cu e droganan tabata scondi. Relaciona cu esaki polisnan a bay direccion e De Palm Pier. Na nan yegada nan ta tuma nota cu a bin dos locker acerca y tabata tin dos conoci di polis para eynan.
Ta trata aki di e conocido di polis A, cu tabata sinta ariba un beton y H., cu tabata para dilanti di dje. E otro dos conocinan di polis tabata para dilanti di un palo di mata dilanti Redsail Dive. Aki ta trata di DC cu tabata para y L., cu tabata drumi ariba un di e stoelnan di beach bou di un mata. L. tabata bisti cu un carson cortico di camuflahe y na e momento ey e tabata lomba sunu pero tabata tin un tas shinishi/preto cun’e. H. a cana bay ora cu el a wak polis pero el a bin bek ora cu polisnan a yam’e. A. a bin para banda di DC. Un di e oficialnan a cana bay direccion di H., y yegando cerca a haya un fuerte holo di marihuana ta sali for di su saco. Relaciona cu esaki a bay over na rista e cabayeronan aki. Riba H. polisnan a bin haya 460 dollar, cual segun H. el a gana den Casino di Marriott. E placa aki tabata destina pa paga su huur. Voor de rest no a haya nada particular ariba nan. Polisnan a tira un control den bisindario pero no a haya nada. Casi terminando cu e control, polisnan a bay den direccion di e lockernan, caminda a bolbe haya un holo fuerte di marihuana. Polisnan a cuminsa rondia den e lockernan. Despues di un rato ta bin haya sakitonan cu mata di marihuana den dje. Na rand di e vloer di beton, caminda cu tin varios arubaantje poni, den e santo a bin haya un sigaria di marihuana. Esakinan a wordo tuma den beslag. Centrale post a wordo poni na altura.