E accion di fin di siman tras di lomba di Departamento di Transporte Publico a keda positivo pasobra esaki a saka afor cu hopi cos no ta bay manera ley ta sigun Belinda Maduro a splica mas di e accion aki. Pa DTP e tabata tin su fruta. Ta berdad cu a baha dos taxi for di caminda. Entre un di nan tabata tin consumo di alcohol, no e maximo si, pero e tabata tin alcohol. Na e momento ey a pone e parti di DTP cu ta bisa cu e tin cu bay cas. El a haya un rijverbod for di polis y e mester a baha caminda.
E otro auto, e no tabata tin su papelnan na ordo y pa colmo e ta core un van di mas di 8 pasahero y no tabata tin un rijbewijs D. E parti ey tambe polis ta pone di su banda y a bis’e cu e no por move cu e vehiculo eynan, pasobra e no tin un rijbewijs capacita pa manera e vehiculo ey.
DTP su controlnan ta hopi importante, teniendo na cuenta cu ta cu turista, cu bida di hende ta handle tur dia. E ta importante pa nan. Pesey nan tey tur dia riba caminda tambe.
Planes
Despues di e accionnan aki, ta asumi cu hopi hende a realisa. Segun Maduro, semper cu tin un control asina, nan ta check si tur cos ta up to date.
E resto di controlnan di tournan cu tin rond Aruba tambe lo bay cuminsa mirando cu tin basta trabou pa bay sigui segun Maduro.
Esaki ta un sistema cu ta bezig cun’e den oficina di DTP cu tur cos ta bay ta automatico. E ta bin den nan sistema y e tabletnan cu e trahadonan cu ta bay core cune den auto y a base di esey e control ta bay bira hopi mas severo.
Tur aña DTP ta haci un bedrijfscontrole. Inspectie ta bay wak completo, ta controla e autonan, quadracernan, tur loke ta wordo uza pa transporte publico. Esey ta sigui normal, segun Maduro.
Por ta, en bes pa aña ta hacie dos biaha pa aña, pero esey tin cu consulta cu e director pa wak con ta hinke den otro. Ta cosnan cu ta sosode normalmente.
E accion cu tabata tin diabierna pasa, ta un spiertamento pa tur vergunninghouder pa nan controla nan cosnan pa ta up to date, pasobra e controlnan ta sigui tuma luga.
Pa fin di e aña aki e controlnan ta sigui. Actualmente nos ta den high season caba, segun Maduro. DTP lo ta full on, vooral dianan di fiestanan special.