Si bebe iboprufen durante e prome fasenan di embaraso lo por provoca perturbacionnan hormonal den e fetonan masculine, cu eventual consecuencia den e desaroyo di e tracto urogenital, segun un studio a revela.
E medicamento aki ta suprimi e produccion di diferente hormonanan testicular manera testosterone, cu a ta controla entre otro e bahada di testiculonan. Esaki segun un publicacion den e revista Scientific Reports.
E efectonan aki por bin den dosisnan similar cu iboprufen, cual ta un di e medicamentonan mas bebi pa muhenan na estado contra dolornan liviano.
E instituto Frances pa Salud y Investigacion Medico (INSERM) a bisa den un comunicado, cu otro investigacionnan den e ultimo añanan a mustra un asociacion entre e bebemento di analgesico y efectonan indesea den e baby y tambe peso abao ora di nace of astma.
Varios studio cu paracetamol y aspirina tambe a demostra cu e consumo di esakinan por a perturba e sistema endocrino testicular fetal, pero e efectonan di ibuprofen no a wordo proba te ainda.
E asina yama efectonan por wordo observa hopi lihe durante e prome trimester di e gestacion, pero no den e di dos.