Durante henter aña Beach Tennis Aruba ta organisa un liga cu ta dura mas o menos 2 luna y mei. E weganan ta tuma luga na BTA Club (banda di Tropicana Hotel) y por participa den diferente categoria: Fun, intermediate, advanced y pro. Pa splica untiki mas, dialuna tin singles, diamars ta “ladies only”dus tin e weganan di ladies doubles. Diaranson tin e weganan di mix doubles y diahuebs tin men doubles. E weganan ta cuminsa 6or di atardi y e ultimo riba schema ta cuminsa 9or di anochi.
Dia 3 april 2017, e “winter league” lo cuminsa y e lo termina te dia 6 juli 2017. Den pasado BTA a conta cu mas o menos 150 ekipo y mas cu 400 participante pa loke ta trata un liga. E formato di e wega nan ta best out of 3 sets, cu un diferencia di 2 game cu un tie break te cu 7 punto si e wega mester ta tabla 6-6
Beach Tennis Aruba kier a invita tur hende cu ainda kier participa den e liga cu por inscribi ainda. Pa por participa bo mester ta miembro di Beach Tennis Aruba. Si bo no ta sigur y kier sigui train of pasa pa purba kico ta pa por practica Beach Tennis, nos ta invita un y tur pa pasa na Tropicana Beach Tennis Club. Pa mas informacion con pa registra of pa bira miembro, bo por bishita nos website www.beachtennisaruba.com