Diaranson den careda di 12:30 marduga central di Polis ta haya varios yamada di personanan den Madiki, Venezuelastraat y Socotorowijk cu tironan a cay. Di biaha a mobilisa varios unidad policial den e area. Un ciudadano coriendo den su auto bayendo su cas, un brommer cu lo tawata siguinan, y e brommer a dal den nan.
Despues e ciudadano a scucha varios tiro y nan a trot bay y yama polis inmediatamente. Tur cos a pasa den e caya di Venezuelastraat net na e t-weg cu Cubastraat unda e accidente a susede y e tironan a cay tambe. Polis a presenta di biaha y a sera e area y pidi diferente patruya di otro districto bin yuda.
A haya par di yamada unda ta indica cu a scucha tiro otro caminda tambe banda di BaraBar cu ta ex-united dinner y bay direccion Pagaistraat unda cu a scucha mas tiro polis a bay na un otro t-weg unda cu lo a scucha e tironan pero no a logra encontra huls of perforacion di bala. Na e sitio mes polis a confisca un brommer y huls y bala. Den Socotorowijk un cas a haya perforacion di bala na e bentana.
Diferente departamentonan concerni a wordo poni na altura y a bin na e sitio pa start un investigacion. Diamars madruga caba tawata tin tiremento den Madiki polis ta investigando pa saca afo si e caso aki ta link cu e otro tiramentonan cu tin ultimo dia y luna den Madiki.