Diaranson pasa di 11:45 anochi ariba Caya Ernesto Petronia altura di e misa na Playa patruya di Oranjestad a para un yaris A-22531 cu dos homber abordo. A bay controlanan y durante control e sospechosonan a cuminsa core pa Polis a start un persecucion na pia di biaha.
Polis a logra detene un y e otro a cuminsa core bay abou y banda di postkantoor a gara e otro homber pero a benta un arma di candela den mondi pa Polis. Den e auto e oficialnan a haya basta sakito di droga y armanan blanco. Dog catcher a presenta pa bay cu ambos sospechoso warda, a pone sub fiscal na altura.
Departamento forensico di Cuerpo Policial tambe a presenta pa asina saca potret di e arma di candela y e droganan. Un polis a keda herida debi na e caida ora a gara un di e sospechosonan cu a huy pa Polis y ambulance a presenta pa asina atende cu e oficial su pia herida.
E mes un cabayero riba e potret banda drechi front page cu tin basta barga na 21 Juli 2016 polis a detene na Madiki ora a haya arma di candela den su auto despues di a agredi un dama. Esaki ta demostra cu castigo pa hende haya cu arma ta tiki na Aruba.