Diabierna awo e federacion di basketball lo organisa un torneo di basketball en conexion cu e celebracion di ASU Olimpiada 2016. Durante henter e weekend aki e weganan di basketball lo continua te cu diadomingo unda lo hunga e finalnan den Centro Deportivo Betico Croes. Mester bisa cu e weganan lo ta den e categorianan di Mini y tambe 13/14 aña. Ekiponan participante na e torneo ta Impact De Vuyst, Estrella y Stealers. Diabierna e weganan lo inicia pa 6.30 di atardi, diasabra lo ta 10.30 di mainta mientras diadomingo e weganan lo ta 6.30 di atardi.
E deporte di basketball sigur ta uno hopi gusta y sigur popular na Aruba. Den e ultimo añanan e deporte a crece caminda mas y mas mucha ta afilia na organisacionnan di basketball. E federacion di basketball ta traha duro na bienestar di e muchanan y nan deporte.
Un danki sigur na Lotto, e Loteria di Aruba pa medio di Comision di Subsidio a yuda subisdia e torneo di basketball enconecxion cu e celebracion di ASU Olimpiada 2016.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.