Tabata den planes tene un evento deportivo grandi, cu peloteronan internacional na Aruba, pa cual Sr. Joselito Antonio Albertz a cuminsa cu e preparacionann caba. Como Arubiano, e no kier involucra su mes cu niun partido politico, pero como yiu di tera, cu ta carga e bandera di Aruba unda cu e bay. Pero cosnan no a cana manera el a spera. Sr. Albertz ta splica.
Simplemente tristo con cierto prioridadnan ta haya tur atencion, y e ta puntra su mes kico ta mas importante pa e hubentud. Esey ta e dolor cu mester wak noticia con gruponan di cualke deporte, mester bende rifa pa nan recauda fondo pa biaha y representa nan pais y pa practica e deporte di nan prioridad. Sr. Joselito Antonio Albertz tin un organisacion, un fundacion di hobennan cu ta capacita pa practica deporte. Hunto nan a planea pa haci un evento deportivo, pa yuda tur organisacion na Aruba y e aña aki, atrobe el a haya un sla duro for di ATA. For di aña pasa, Sr. Albertsz a acerca ATA pa un evento deportivo cu e sa haci tur aña na Aruba, cu peloteronan di Grandes Ligas. E respuesta cu el a haya for di Oficina di Turismo (ATA) ta cu nan kier haya promocion internacional pa Aruba, y Sr. Albertsz hunto cu su fundacion a haci un sondeo con nan por bay promociona Aruba internacionalmente. E mester bisa cu cana e caminda recto, acerca e personanan concerni, nan a yega na e base di e promocion mas adecuado y principal pa Aruba, pa locual cualkier evento deportivo. Nan a yega e base ESPN deportes, cual ta e canal di deporte mas grandi na mundo, caminda cu negocacionnan a cuminsa cu ESPN.
Sr. Albertsz a presenta full e proyecto, unda cu el a haya full approval for di tur e departamentonan concerni di ESPN pa mobilisa full locual ta trata nan programacion durante di e weekend di evento pa Aruba. Esey ta nifica cu tur cos di Aruba lo a bay en vivo mundialmente, via ESPN y tambe asina ESPN lo por a compromete su mes cu e evento, y compromete su mes cu Aruba, dunando Aruba 5 luna di promocion. Esaki lo ta promocionnan impagabel, un promocion di Aruba durante All Star Weekend, un promocion di Aruba cu lo zona den World Series, caminda cu e feedback cu ta haya for di Aruba ta cu nan ta desaprecia bo evento, cual lo ta un promocion mundial, ariba nivel global pa locual ta pais Aruba, poniendo nos hobennan den mira pa futuro, pa locual ta trata deporte profesional, bo a haya un baño di awa frieu. Su evento ta wordo hala un banda, dunando prioridad na eventonan cu ta daña hubentud, cu no tin ningun promocion fructifero, frutonan comibel pa locual ta trata e evento. Pero e evento ey ta haya e derecho di carga full e sponsorship pa asina promociona nan mes na Aruba.
E combersacion entre Sr. Albertz y ATIA a cuminsa aña pasa caminda na a bisa cu Sr. Abertz cu nan lo ta all out cu Sr. Abertz pero cu Sr. Albertz mester tene su mes na promocionnan internacional. Hopi cos ta sosode durante aña, y Sr. Albertsz ta puntra kico ta falta na su persona cu su evento no ta haya prioridad. E cifra cu Sr. ALbertsz a pidi ta hopi mas abao, compara cu loke nan a sponsor un Love Festival, dunando esaki prioridad ariba nan evento. Esaki ta locual cu a defrauda Sr. Albertsz.
Hendenan di ATA mes no por compronde con un evento manera esun deportivo ta wordo boycotea, hala un banda, pa duna prioridad na Love Festival pa wordo gesponsor door di ATA. Segun Sr. Albertsz, e no ta ken pa bisa cu niun mester sponsor su evento, pero lo mester wak e contenido di su evento, y wak kico ta cumbini, pa saca un conclusion.
Baseball ta un evento mundial y Sr. Albertsz ta sigur cu un evento di baseball promociona door di ESPN lo ta trece mas turista Aruba cu’n Love Festival.
Atraccionnan cu lo mester a bin Aruba, cual ta e cuaternan mas grandi di baseball, cu ta peloteronan firma door di New York, Aaron Judge, di Yankees, Garry Sanchez di Yankees, Aroldis Chapman di Yankees, Yadier Molina di San Luis Cardinals y Sr. Albertsz den All Star Weekend a papia cu Robinson Canoe di Seattle Mariners personalmente, cu a bis’e pa mand’e invitacion oficial y e lo haci tur cos 100% pa e ta na Aruba e weekend di e evento.
Biaha pasa cu evento di baseball internacional, tempo di Sidney Ponson y Calvin Maduro cu localmente no a acapara asina hopi atencion manera spera. Kisas esaki lo por a hunga un rol unda cu ATA no tabata interesa den Sr. Albertz su proyecto. Pero Sr. Joselito Albertz a duna un comparacion entre Aruba y Corsou, cu Corsou su deporte ta 100 biaha mas miho cu di Aruba, bayendo dilanti dia pa dia. Pero na Aruba e fout di mas grandi ta, cu ‘Rubiano ta keda come ‘Rubiano, y semper ‘Rubiano ta wordo hala un banda pa stranhero.