Despues di mas di 30 aña di a haci accion di firma y peticion na diferente gobiernonan, habitantenan di Wayaca, Seroe Biento, Santa Martha y bisindario, porfin nan ta haya e caminda di asfalt cu tanto nan a sclama pe.
Peticion a bay di parti di habitantenan di e barionan ariba menciona den pasado na tur gobierno cu a sinta. Pero niun a haci e esfuerso pa toch yuda pone un tiki asfalt. Ta pa hopi aña e habitantenan aki a guli stof y a biba cas cera, y mester a biba preocupa pa nan salud.
Porfin esaki a yega su fin. Habitantenan ta sumamente contento cu Minister di Infrastructura, Sr. Otmar Oduber di partido POR y gobierno di Aruba en general, pa nan maneho di skucha y yuda e pueblo. Tambe nan kier a gradici DOW y tur otro persona y/o instancia cu a haci esaki un realidad.