Informacionnan ricibi ta cu e barco di carga m/v FS Ipanema V-179 a haya su mes confronta cu problemanan cu motor despues di sali for di e waf di Everglades. E doñonan di e barco ta regla un waf sigur caminda cu e lo wordo someti na e reparacionnan necesario.
Mester remarca cu e cargacion di e barco aki ta consisti di alimentonan manera webo, carni y hopi otro productonan mas. Ki dia e problema aki lo wordo soluciona no ta conoci. Esaki tambe ta nifica cu den e proximo dianan Aruba lo por bay sinti e efectonan di e escasez di webo y varios otro productonan mas .
Ta spera cu lo por yega na un solucion pronto pa esaki pa asina e situacion por normalisa bek.