Prome hotel cu a presenta su plan di manual di Crisis tabata Barcelo Resort. Sra. Aurelia Croes y Srta. Sowfi Maduro di e “Departamento di Calidad” di Barceló Aruba a presenta nan manual di Crisis pa revision pa asina esaki por cumpli cu e structura cu Pais Aruba tin delinea pa traha den caso di un incidente.
Despues di a ricibi e comentario y recomendacionnan, a haci adaptacion den nan manual y esaki a keda presenta bek pa Bureau Rampenbestrijding Aruba.
Di parti di Bureau Rampenbestrijding Aruba a duna bek na Sra. Croes y Srta. Maduro di e “Departamento de Calidad” di Barceló Aruba bek e version final di nan Manual di Crisis pa cu nan respectivo hotel.
Trabounan pa e plan di nan hotel ta andando cu otro departamentonan pa asina nan por tin tur asunto regla pa cualkier incidente si esaki presenta. Ya caba nan a ricibi algun recomendacion y ta trahando pa cumpli cu esakinan. Despues cu e recomendacionnan wordo atendi e ora lo acerca dicho instancia(nan) bek pa asina ricibi un otro inspeccion. Riba potret e entrega oficial di e plan revisa pa sr Sr. Rino Hermans y Franklin Rene Ridderstaat di Bureau Rampenbestrijding Aruba.