Un gol di Sergi Roberto, na di 95 minuut, a desata e locura den Camp Nou, unda Barcelona a haci historia, ya cu despues di tabata perdi 4-0, ta bira gana e wega 6-1.
Despues di un gran partido, un gol di Edinson Cavani na minuut 62, parce di a caba cu e speransanan di e azulgrananan, cu tabata tin mester di tres gol mas pa yega kwart final.
Barcelona a haci lo imposibel: bin bek despues di tabata perdi 4-0, cu lo a laga e ekipo aki elimina y bira gana 6-1 cu tres gol anota den e ultimo 7 minuutnan di wega, den Champions League.
Esaki nunca antes a yega di pasa. E ta algo historico. Neymar tabata e gestor y Sergi Roberto e heroe di e anochi cu e afilicion Culé hamas lo lubida.
E hasaña pa elimina PSG Frances, cu tabata gana 4-0, a wordo logra door di golnan di Luis Suárez (m.3), Lionel Messi (m.50), Neymar (ms. 88 y 91) y Sergi Roberto (m.95). Ademas, nan a wordo yuda cu un autogol di Kurzawa (m.40).