E dia tan spera, lansamento oficial di e banda musical nobo na nos hermana isla Corsou, a yega.
Bou di e nomber di “ONE” e siman aki e banda a wordo lansa oficialmente cu nan prome piesa promocional “Bo Wowonan”. Un merengue cu un tiki “twist” cu ta trece e toke Latino aki ta produci y canta pa e tan famoso cantante, Dibo Doran, miho conoci den e mundo musical como Dibo D.
No unicamente Dibo D ta forma parti di ONE sino tambe e famoso ex cantante di NstyPlay, esta Cizzle. Tambe den front nos tin Gilmar Fraites, Harvey Isidora y Johnny Blaze
Aruba lo tin e primicia, ya cu ONE lo ta debutando aki na Aruba, dia 8 Juli na Renaissance durante e celebracion di 3 aña di existencia di e banda tan popular di Aruba, esta Buleria. A combersa cu personanan hopi cerca di ONE kende nan a afirma cu den e simannan nos dilanti ta varios tema nobo lo wordo estrena, dus Aruba, Corsou, Bonaire y Hulanda, keda pendiente pa ONE
Si bo ta desea di ta presente dia 8 Juli, por pasa busca bo carchi na Hamaka, Gallo Rojo como tambe na CITGO Boulevard. Pa VIP por yama 745-111 pa mas informacion.