Hopi hende a yega di haci un peticion pa un hypotheek, pero toch nan no ta haya di e facil ey. Sr. Javier Wolter, presidente di Asociacion di Bankeronan di Aruba, ABA, ta amplia ariba e tema aki.
Segun Sr. Wolter, banconan tin cierto flexibilidad pa duna prestamonan personal y tambe hypotheek, segun nan criteria. No por compromete 80% di bo entrada netto pa un hypotheek, pero si un 37%. Esaki ta haci’e mas factibel. Tambe kico bo ta construi, kico bo ta cumpra. Pero esey ta keda na discrecion di cada banco y Banco Central no tin nada di bisa.
Ta depende di cada ken nan entrada y mester tene cuenta cu banco ta traha cu placa di hende. Mester ta cuidadoso ken ta fia e placa. E placa ey ta placanan deposita ariba cuentanan di banco y ta e placa ey ta uza pa fia otro hende. Dus banconan tin responsabilidad grandi pa make sure pa duna un prestamo na un hende cu por paga bek.
E placa cu ta wordo fia, ta placa di banco mes of di su clientenan, cu ta bay financia cualkier prestamo, segun Sr. Javier Wolter, presidente di Asociacion di Banconan Aruba.