Banco Central di Corsou y St. Maarten (CBCS) a pone Ennia Cariba bou di curatela, cu efecto inmediato.
E banco ta hopi preocupa pa e solvencia di e compania di seguro. E preocupacionnan di e banco no ta nada nobo. Anteriormente, e director di supervision, De Nederlandsche Bank (DNB) tambe a expresa gran preocupacion pa e solvencia di e compania di segura, cu tambe ta administra un fondo di pensioen grandi.
CURATELA
Según CBCS, e intervencion tabata e unico manera pa evita e solvencia di Ennia bira pio. A trabes di un red di compania, cu eventualmente a demostra di ta pertenece na e accionista mayoritario Ansari, al menos 1.5 biyon dollar di seguro y fondonan di pensioen a wordo malgasta a trabes di prestamo y prestamonan di companianan asocia. Además, CBCS ta argumenta cu ENNIA lo a purba transfer 100 miyon dollar di un cuenta di balornan pa otro entidad riba cual CBCS lo no tin bista.
MAN FUERTE:
CBCS ta actua di biaha cu man fuerte riba ENNIA: e compania ta wordo poni di biaha bou di curatela. E documentonan cu ta compaña e “NOODSTELLING” por deduci cu ta existi un structura complica di e companianan relaciona, di cual, tur ta bay bek na e mesun doño. E medida cu CBCS a tuma, segun e documentonan di e caso hudicial, tambe ta bin door di e tamaño di ENNIA y su empresanan asocia. Segun CBCS, ENNIA ta den posesion di 50% di e mercado di seguro tanto na Corsou como na St. maarten, mientras di cu e lo ta den posesion di 80% di e mercado di pensioen.
E ‘NOODSTELLING’ ta permiti CBCS di reestructura e compania y salbaguardia e solvencia di e compania di seguro of evita cu mas daño wordo haci na e compania. ENNIA y su abogadonan a protesta contra e ‘NOODSTELLING”, pero hues Sijsma a acepta e solicitud di CBCS y a considera cu e medida di emergencia ta na su luga.