Nicole Natalie Lin di 44 aña a wordo diagnostica dos aña pasa cu un malesa yama COPD. Na e momentonan ey e no tabata sa di e gravedad di e malesa y a wordo trata na Aruba mes y no a mira un mehoransa.
Den su propio palabranan e ta continua: “Aña pasa mi a bira mas malo y mi a papia cu mi longarts over di Stemcell mientras cu e no ta kere den e tratamento ey. Hasta nan a bisami cu mi ta den mi fase final, pa mi bay cas trankil numa y prepara mi “cuentanan”. Mi a manda peticion pa AZV y esaki a wordo nenga door di un profesor di Hulanda, kende tampoco ta kere den Stemcell. Mi a dicidi di spaar y cu donacion mi a logra mi prome biahe y tratamento. Mi a tuma mi tratamento na Februari e aña aki y a ripara di biaha un mehoransa den un siman. Awor mi ta preparando pa mi double Stemcell aki un paar di luna cu sigur lo dunami un miho calidad di bida. Leynan na Aruba di AZV mester wordo cambia y esey ta mi meta pa hunto cu abogadonan demostra cu tratamentonan asina ta traha. Y asina mas hende por haya cuido medico, cual ta nan derecho!”
Boso ta keda cordialmente invita pa reserva e dia aki pa Natalie’s Stemcell Fundraising.
Diadomingo 25 Juni 2017 na Villa Floralina.
Cuminsando for di 9or di mainta pa 9or di anochi.
Bini un, bini tur y disfruta di un dia familiar habriendo mainta di 9-11 a.m. cu Kerekentenchi, face painting, figura di blaas, Mickey Mouse ta bay tey pa saca potret cu nos muchanan. Un dushi koffiemorgen bon surti cu ambiente di caha di orgel di Nelson Sprok.
Ta bay tin 2 Dino jump, popcorn y cotton candy y mucho mas.
Ambiente musical di Dj Chris, Dj Silvano, Dj Edson Tromp, Tsunami, Mellow Band, Prodigy Brass, Robert y su solo banda, Claudius Phillips y Oreo, Buleria, Rincon Boyz, Honeypot, Allain Rockney, Banzaai, Etty Toppenberg y su Trio Huasteca, Edjean Semeleer, 2 acoustic.
Magic FM ta bay tey presente cu un programa LIVE.
Show di baile di K to K dance group, Popcorn dancers.
Bar y cushina bon surti cu snacks, diferente sopi, bami goreng, arroz con pollo, tambe ayaca.
Tambe lo tin box disponibel pa por contribui cu donacion.
“Danki pueblo di Aruba, Danki pa yudami haya un miho calidad di bida pa mi por sigui cu mi lucha pa nos tur.
Leynan mester wordo cambia pa tur hende por wordo yuda!”
Si pa cualkier motibo no por presencia dia di evento, por yuda cu donacion via banco:
RBC account number 44.33.483. Nomber: Nicole Natalie Lin, Adres: Bubali 141.
Masha danki di antemano pa tur sosten y contribucion..