E aῆa aki World Environment Day (WED) su tema “Iam with Nature” ta pa pidi hendenan pa RE-conecta cu luganan cu nan ta stima. Esaki porta un luga cu bo tabata gusta bay, un luga special cu bo ta bishita awo of un luga cu bo ta desea di bay- tin hopi ideanan con pa conecta cu naturalesa y reflexiona.
WED ta un plataforma global pa haci un yamada na publico pa cu e temanan di importancia di medio ambiente como tambe di naturalesa. E dia ta wordo celebra pa miyones di hende rond di mundo. E ta un yamada pa tuma accion hunto pa yuda nos medio ambiente.
Den ki forma nos ta celebra? Celebracion por tuma diferente aspecto. E no ta solamente significa fiesta solamente pero tambe por significa mustra e aprecio den forma inusual pa e medio ambiente door di reconecta. Tumando accion hunto den forma di un beach clean up, plantamento di mata y competencia di fotografia cu medio ambiente na mente.
Por ehempel e situacion imprevisto y lamentabel di e danjonan di oilspill na nos costanan ta pone un extra presion of yamada di auxilio pa voluntarionan. Por acerca Parke National via telefoon 585-1234 pa asina por duna un man cu daño di e oilspill na nos beach y costanan.
Directie Natuur en Milieu a acerca diferente organisacionan pa asina yuda hasi e concientisacion aun mas grandi den transcurso di e aῆa. Mundialmente ta wordo haci esfuersonan pa cambionan positivo, por ehempel, e WED aki ta coincidi cu e conferencia di oceanonan di United Nations. UNESCO a traha un pakete di les cu a ser distribui rond mundo pa duna nos muchanan e lesnan necesario pa yuda cu concientisacion ariba diferente tema.
DNM conhuntamente cu UNESCO Aruba ta explorando e oportunidadnan pa por brinda esaki tambe na Aruba. Tambe a haci esfuersonan pa e celebracion di WED bira aun mas grandi den e aῆanan venidero na Aruba tambe.
Pesey mes ban uni den nos seno familiar, di trabou of social pa explora e diferente manera cu nos tambe por haci un diferencia e WED aki. Pa comparti kico abo ta haciendo pa e medio ambiente bay riba e rednan social y usa #worldenvironmentday y/of #withnature y/of #dnmaruba cu bo foto y post.