Ta calcula cu mita di e personanan di 50 aña bay ariba, ta sufri di hemoroids (ambij), e venanan hincha y inflama rond di e anus of e parti inferior di e rectum. Muhenan ta esun cu mas ta afecta compara cu homber, kisas pasobra e ta un di e causanan di embaraso.
No tur ambij ta causa problema. Un estudio cu a tene na cuenta di personanan cu a realisa un colonoscopia, a conclui cu e mita di e pashentnan no tabata sa cu nan tabata tin ambij. Pero ora e venanan aki inflama, nan por ta hopi doloroso y por sangra.
Tin diferente tipo di ambij.
E ambijnan interno ta infecta e venanan di e rectum. Por lo general, nan no ta dolor, aunke nan por sangra sin causa dolor.
E ambijnan prolapsa por extende te sali for di e anus y por bay bek paden di e rectum di su mes of abo por introduci nan suavemente.
E ambijnan pafo ta involucra e venanan cu ta pafo di e anus. Nan por provoca grawatamento of dolor y tin biaha nan ta expande y sangra.
Alivio, por fabor!
Pa suerte tin algun cos cu nos por haci pa preveni cu e ambijnan “ta lanta”, rementa y cuminsa sangra. Dokter Jacqueline Wolf, gastroenterologo y profesor den e centro medico Beth Israel Deacones, asociado na Harvard, ta sugeri e siguiente medidanan.
Consumi fibra: ta recomenta 25 gram di fibra pa muhenan di 50 aña of menos y 22 gram diario pa muhenan mayor di 50 aña. Ta bon pa tin un ekilibrio di fibra soluble, cu ta forma un gel den e tripa y fibra soluble.
E salvado di trigo y cerealnan di fibra halto ta bon fuente di fibra insoluble. E salvado di avena, noot, simiya y berdura, ta proporciona fibra soluble. Hopi fruta y berdura tin ambos.
Suplementonan di fibra. Dokter Wolf ta sugeri cu mientras ta agrega fibra na e dieet, ta posibel complementa cu un suplemento, manera cascanan di psyllium (metamucil of otro), dextrina di trigo (Benefiber y otro) of metilcelulosa (Citrucel y otro).
Azeta mineral. Considera un lubricante laxante, e azeta mineral ta drena e awa den e af y ta yud’e pa e pasa facilmente atrabes di e rectum. Trata id mescla un cuchara di azeta mineral cu compota di appel of yoghurt y tuma esaki algun ora prome of despues di un cuminda. Warda varios ora pa bo drumi, despues di a tum’e. No ta recomenda tum’e pa mas di 10 dia.
Cambia e custumber di bay baño. Bay baño mesora cu bo sinti e impulso di bay, ta yuda na preveni ceramento di barica y minimalisa e tempo sinta. Sinta y keda hopi tempo por promove ambijnan nobo y ta agrava esunnan cu ya ta existi. Purba di subi bo pianan riba e bril, mientras cu bo ta sinta riba e wc. Esey ta cambia e posicion di e rectum pa permiti e evacuacion.
Minimalisa e malestar durante e inflamacion
Productonan sin receta. E shelfnan di botica ta yen di producto pa calma y haci e adernan inflama aki chikito. Preparation H y similarnan generico, cu ta contene algun ingrediente constrictor di adernan, ta disponibel den hopi forma, incluyendo inguente, supositorio y serbete. Nan ta proporciona alivio pero no ta cura.
Bañonan di asiento. E remedi aki, mes bieu como ta eficas, ta consisti den sumergi e zona di anus inflama den awa lauw (e por ta cu habon tambe), no demasiado cayente, durante 10 pa 15 minuut, 2 pa 3 biaha pa dia. Cu esey ta calma e dolor. Higiena di e zona anal ta esencial.
Diosmina (Daflon® 500). E ta un bon suplemento herbario (mescla di diosmina (90%) y hesperidina (10%) di e famia di flavonoide, cu a demostra di ta mehora e tonicidad di e venanan, ta haci e ambijnan chikito y ta alivia e dolor, segun un estudio Austriaco di 2004. E ta sigur si ta tuma esaki durante un corto placo.
Medicamentonan cu receta. Si e dolor of malestar ta severo, papia cu bo dokter riba e tratamentonan receta, cu ta contene remedinan anti-inflamatorio mas fuerte y medicamentonan anestesico.
Eliminacion di ambij
Tambe bo por considera e posibilidad di elimina e ambijnan si nan sigui sangra. Tin varios procedimento medico pa elimina of reduci e ambijnan, for di su ligadura te na cirugia abierto. Mayoria ta wordo realisa di forma ambulatorio. Bo dokter por yudabo dicidi cual lo ta miho den bo caso.
Fuente: http://holadoctor.com/es