Rabat, MARRUECOS- Un baby Congles di cinco dia di naci ta actualmente den un zona di transito di Aeropuerto Mohamed V di Casablanca y e ta na punto di wordo expulsa hunto cu su mama, segun denuncia diamars door di e grupo antirracista Gadem.
Segun Gadem, mama di e baby, Mandika, a yega Marruecos algun dia pasa den un vuelo di transito pa Alemania, pero autoridadnan di imigracion Marroqui a haya iregularidadnan den su visa Schengen pa Alemania y a decreta e expulsion bek pa Congo.
Pero door cu e mama tabata na estado di nuebe luna, e compania a rechaza su readmision den avion y e mester a wordo traslada pa hospital cu vigilancia policial, caminda e ta duna luz na un yiu homber dos dia despues.
Manera cu el a sali for di hospital, Mandika a wordo compaña bek pa aeropuerto pa sigui cu e procedura pa expulsion. Pero segun Gadem, no tin un notificacion por escrito di e orden di expulsion.
Instancianan ONG a denuncia cu Marruecos no ta respetando su mesun compromisonan internacional, ni tampoco un ley di su mesun pais, cu ta exclui muchanan recien naci y muhenan na estado di extradicion. E ta lamenta cu e area di transito di Aeropuerto di Casablanca a para bira un sorto di “zona di sin derecho”.