Dialuna pasa di 2 or atardi personal di un crèche na Catiri cuidando e babynan a capta un di e muchanan no ta hala rosea. A yama ambulans di biaha pidiendo ayudo. Di biaha a manda unidad di ambulans, polisnan cu urgencia a presenta na e sitio. Recherchenan tambe a presenta na e sitio pa ta na altura di e sucedido. Paramediconan di ambulans a cuminsa cu reanimacion y brinda asistencia medico. Asina a logra bay cu e criatura hospital cu urgencia pa haya tratamento medico avansa.