Despues cu e señora cu a haya accidente na e pista di Go Gart na 2015, AZV a sinta cun’e na mesa pa wak con por yud’e den e caso aki pa cual aki Sra. Solange Tchong ta splica.
AZV tabata tin un reunion cu e señora aki, pa no solamente haya sa kico a sosode cu su persona pero tambe pa splica e señora kico ta e posibilidad dentro di AZV. Sra. Tchong ta haya lamentable loke a pasa cu e señora aki, y e no ta algo chikito loke e señora aki a pasa aden. Pero ta ta awo el a ricibi tratamento cu e por a haya na Aruba. E situacion ta asina, cu a splik’e kico tur mas por tuma luga y un di nan ta por ehempel pa su specialista haci peticion pa tratamento cu falta y esey ta e situacion actual.
Segun AZV, den cuadro den loke a wordo papia y loke e mes a divulga riba rednan social, tabata e parti cu falta. Esaki ta p.e. pa su herida, su tratamento a wordo cura. Esaki aparentemente no ta bay suficientemente bon, of lihe. Pa cu esaki AZV lo por tuma contacto cu e specialista pa asina bay wak kico por haci y a splica e señora tambe cual ta e paisnan cu AZV ta traha cun’e. Den e caso aki, lo por manda sea Corsou na prome luga of un otro opcion lo ta p.e. Colombia. Pero a papia specificamente di por ehempel e ayudo na Corsou.
E proceso tabata riba caminda caba, pero loke a sosode ta cu tin ora doctor ta haci palabracion y e cosnan no a cana mes lihe manera e pashent ta desea. A bisa e señora pa yuda busca solucion, AZV lo contact e specialista, pero tin cierto tratamentonan cu no ta cay bou di AZV. Un di e ehempel ta esun di cirugia cosmetico. Dus p.e. loke ta un transplante di cabey, esaki no ta cay bou di e cobertura di AZV pero e no ta kita afo, cu AZV toch ta hopi habri pa wak ki otro opcionann tin y pa esey mes AZV di su banda, tambe a saca un reaccion riba red social, pa avisa cu ta busca un solucion dentro di loke e cobertura di AZV ta permiti.
E pashent aki nunca a drenta AZV dus AZV no por manda un pashent riba su mes si no ricibi unpeticion di specialista. Den e caso aki, AZV ta tuma contact cu e specialista pa wak pa e peticion bay mas lihe pero tambe ta asina cu enberdad, AZV a sinti cu el a wordo critica inhustamente pasobra cu a wordo menciona cu AZV no kier yuda.
Por ultimo AZV a recomenda e señora explora cierto otro oportunidad dentro di AZV y tambe pafo di AZV, segun Sra. Tchong, vocero di AZV.