Sra. Solange Tchong, vocero di AZV ta splica mas tocante e ticketnan di cuminda, pa e pashent y acompañante den hotelnan of hospital na Colombia.
Segun Sra. Tchong, bayendo bek na historia di AZV full e discusion y e pensamento a cuminsa for di inicio, y hendenan a lubida cu AZV a wordo introduci for di 2001, semper el a duna un aporte na pashentnan cu mester bay exterior. E aporte aki a wordo duna conhuntamente na e pashent y e acompañante tambe ta haya su aporte.
Ta hopi importante pa distingui dos cos. E parti unda ta papia di derecho, esaki no ta berdad, ya cu e no ta hancra den ley. E no tin niun obligacion pa dunabo e aporte of e asina yama daggeld vergoeding. Esaki AZV a duna a base humanitario, como un servicio, unda a evalua cu pashentnan ta hayanan den situacion diferente, ya cu nan ta bay den exterior, sin famia of amistad cu por duna un man. Teniendo cuenta cu e factor ey, banda di e hecho cu bo ta bay como pashent y AZV a dicidi cu ta bay duna un aporte. Esaki semper tabata eigenlijk pa loke ta eet- en drink kosten. Pero den transcurso di añanan AZV tabata permiti cu pashentnan ta hayanan den situacion dificil y di berdad tabata duna e aporte cu ta mas o menos 20 dollar. Y e placa aki tabata wordo uza pa paga taxi tambe
Pero durante añanan, AZV hayanan enfrenta cu dos parti. Un parti tabata toch e discusionnan di e placa aki y e discusion no tabata solamente na AZV pero tambe na e clinicanan den exterior cu tabata parce cu mane cu acompañantenan social ta kere cu esaki ta un derecho. Casi cu nan ta casi yega eynan, casi ta exigi e placa. Y esaki no ta asina. E placa ta mara na cierto reglanan. Y a base di e cantidad di dia cu ta bay afo, ta haya e aporte financiero basa ariba esaki.
Pero mester realisa cu e ta un servicio cu AZV ta duna, y loke cu nan ta haci, mirando cu e ta hopi administracion AZV dicidi di papia cu e clinicanan den exterior y a haci un cambio. Y na 2013 a haci e cambio aki na Merca. Y aki ya caba tin par di aña trahando cu voucher. Y aworaki recien a introduci esaki pa e clinicanan na Colombia, unda ta traha cu voucher y como tambe cu debitcard na algun clinica.
Biniendo bek riba esaki, AZV tin atencion pa e reclamonan. Nan ta hasta tuma algun paso caba den mehoracion pa loke tabata e critica ariba e menu, cu algun cliente tabata haya cu e cumindanan ta limita of e cuminda no tabata bon, etc. Sra. Tchong a sigui bisa cu e tarea di e menu tabata den man di e dietista di e clinica. E cuminda ta proporciona na e cantidad di caloria cu hende mester haya pa dia. Banda di esey, AZV a haci adaptacion den e parti cu ta wordo treci, p.e. pa salada etc. Tur eseynan ta tene cuenta cu nan y vooral na Cali, Fundacion Valle de Lily unda e reclamo ta mas halto. Esey ta e clinica unda cu mas tanto pashent AZV ta manda. Y no solamente paso e ta un bon clinica, pero tambe paso nan tin bon experiencia cu e clinica aki, AZV a ricibi e reclamonan y nan a cuminsa haci adaptacionnan pa mehoracion caba. Un biaha mas AZV ta cumpli debidamente cu nan tarea pasobra e ta un servicio. Es decir nan ta haci tur lo posibel pa acomoda tur cliente. Pero realidad di bida ta, cu no por acomoda tur hende. Paso si e pensamento ta cu kier placa efectivo, esey no ta bay sosode mas. A reemplasa esaki. A reemplasa esaki cu un voucher. Asina Sra. Tchong a finalisa bisando.