TECNOLOGIA
Awendia nos ta socialisa cu hopi persona ariba base diario. Hopi biaha nos ta pidi nan datonan pa cuminsa un amistad. Pero tambe tin persona cu por tin acceso nan nos number di telefon door di, pidi un contacto mutuo en comun of door di investiga riba rednan social manera ta e caso cu Whatsapp.
Lo bo no haya sa si un persona tin bo den su contacto agrega te ora cu e persona ey dicidi di skirbi bo pa cuminsa un combersacion. Sin embargo, cu e siguiente truco ya bo por haya sa.
Esaki ta e pasonan:
-Cuminsa na habri Whatsapp y busca e opcion “New broadcast” y lo habri un chat unda bo lo mester scirbi cualkier mensahe y mand’e.
Door di manda e broadcast aki rond, bo por haya sa ken a add bo sin bo permiso.
– E lo pidibo pa add la menos dos persona. Di biaha solamente lo bo mester spera un rato, cuestion di minuut pa bo contactonan y desconocinan por lesa bo mensahe.
-Na momento cu a pasa un tempo considerabel, tene e message cu bo a manda y bay na option di message, e icon ta un ‘i’, eynan e lo mustra ken a les’e caba.
Si bo wak un nomber desconoci esey ta door cu e persona tin bo geadd den su contacto sin cu abo sa. E funcion aki ta den periodo di prueba pero ta ser spera cu drenta den funcion oficialmente.