E color di nos bandera ta un di e puntonan di discusion pa hopi tempo caba. Presidente di Parlamento, Sr. Juan “Ady” Thijsen ta elabora ariba esaki.
Sr. Thijsen a bisa cu te ainda no tin niun indicacion cu un di e fraccionnan lo kier cuminsa e proceso pa haci e cambio di e colo di nos bandera. Fraccion di MEP pa basta tempo a mustra nan preocupacion pa cu e color di nos bandera. Ora cu un persona tin un opinion, e ta purba convence otro personanan pa su opinion. Pero fraccion di MEP no a purba convence e otro fraccion ainda. Pero mester spera un rato, wak con esaki ta desaroya.
Parlamento tin un voz hopi halto pa bin cu leynan di iniciativa. Y parlamento por haci cambionan den leynan di gobierno. Gobierno por bin cun’e, pero Parlamento por haci e cambionan, por medio di un amienda, segun Sr. Juan “Ady” Thijsen, presidente di Parlamento.